Thursday, August 7, 2008

Virat Waani aur Baarish

Pyaaren Doston,

Phir haazir hain aapka dost, Virat.
Shanivar ki suhaani subah hain aur aap sun rahen hain "Virat-Waani" ka seedha prasaran Bombay kendra se!


Today we'll talk about one of the best things in life..........RAIN!!

Baarish.......................sunte hee kya yaad aata hain..?? Garma-garam chai aur pakode....thandi hawa.....Chap chapak....koi purana kissa......springs up, in front of your eyes, the face of your loved one...the memory of that beautiful rainy day u spent with him/her..........grey skies.........Freedom.........Angdai.......Purane Hindi gaane.........hills and treks........( and if all you get reminded of is traffic jams, road blocks, sticky wet clothes and overflowing gutters, then you should stop reading this mail...)


Maine Baarish ko ek naye roop mein dekha hain, uski shakseeyat ko ek nayi roshni mein jaana hain, n today i wanna share my feelings with u......lets go for a "Walk in the Rains".......


Tumne kabhi socha hain ki paani ka rang kya hota hain? Saagar neela hain, Raqt lal aur doodh shwet; lekin baarish ka kya rang?

Rang hain.....lekin barsaat ke paani ka yeh rang dekha nahi ja sakta; kewal mehsoos kiya ja sakta hain...haan, rangon ka bhi ehsaas hota hain...ek netraheen manav baarish ko is ehsaas dwara hee dekhta hain....


Aur baarish ka sur kya hain?

Baarish bhagwan ke geet hain...aur yadi tum is geet ko nahi sun paate; to tumhe sangeet ki parakh nahi bandhu. Baarish prakrati ka tabalchee hain...alag alag cheezon ko chookar, bhin bhin prakar ke taal janmtee hain. Teen ki chat pe barsaat ki boondein "Teen-Taal" main sunai deti hain, peepal ke ped ke patton se takrakar "ped-pat malhar" banti hain, aur ghar ke aangan ki bhoomi se milkar "Bhoomi-Bhairav" see jaan padti hain!!Aur baarish ka yeh sangeet uski har ek boond mein itna jaagrat hain; ke koi behra vyakti uske sparsh matra se is geet ko sun sakta hain!!


Aur Baarish ki sugandh kya hain?

Ek gehri saans mein kheechi gayi hawa ki khushboo baarish ki asli sugandh hain!Kai saalon ke bichade do premiyon ke milan ki tarah; jab baarish aur mitti gale milte hain; to dharti se uthti saundhi khushboo baarish ka mehakta vastra hain!!

That is the true smell of the rain; and once it creeps into a man's blood; it shall make his life fragrant forever!!


Aur Baarish ki aawaz kya hain?

Kya tumne kabhi boondon se baaten kee hain? Agar kee hoti, to jaante, ki baarish kitni meethi aawaz mein kitni pyaari baaten karti hain! Agar baarish ko apna dost mankar kabhi Chai pe apne ghar bulaya hota, to pehchante baarish kaunsi bhaasha bolti hain!

Yadi ek diin achanak, Bhagwan tumse kuch baat karna chahen; to kya tum Ishwar ki aawaz pehchaan paoge? Baarish Bhagwan ki aawaz hain; barsaat ki dhwani Prabhu ke bol hain.....Dekho, tumse paani kuch keh raha hain! Itne saalon se Bhagwan tumhari sookhi, pyaasi aatma ke darwazen pe baarish ki dastaq de rahe hain......darwaza kholo pyaare!!


And when you can sing like an intoxicated devotee, or an innocent child, one with the voice of nature, you shall sing in the voice of rain, and the whole creation shall celebrate your song!!


and last of your 5 senses;


Baarish ka sparsh kya hain?

Is your skin sensitive enough to differenciate between the touch of ordinary water and the touch of rain?


Agar barsaat mein bheeg kar, sirf tumhara jism hee geela hua, to tumne baarish ko chua hee nahi dost. Kabhi anjali bhar bheegta pani ikatha karke apne chehre pe chidakna...tumhari palkon se aankhri boond tapakne ke baad; jo thanda geelapan aankhon mein mehsoos hoga...vo baarish ka ehsaas hain!

Kabhi gali ke bachon ke saath; with child-like enthusiasm, sadak pe jama baarish ke paani mein koodna; jo khushi ki tarang tumhare man ko choo jayegi; usse baarish ka sparsha jaanana!


And on a rainy moon~lit night; when you embrace the rain and dance with it; and your heart fills with the warmth of love, and the atmosphere echoes the ring of your laughter; you would've touched, and been touched, by the Divine that resides in every single drop of rain!!


That is, the touch of rain!!


And when you are matured enough to completely comprehend; with the limited capabilities of your 5 senses of perception; the phenomenon we call "Rain", you will forever be in a state of bliss!


Aur haan, baarish ki ek bejod saathi hain; ek bachpan ki saheli; jiske bina, baarish, mere liye, aksar adhoori se reh jaati hain....uska naam hain "Chai"!! dar~asal, baarish ka doosra naam hain chai.

Next time we shall explore the intricacies of this phenomenon called "CHAI"!!!


"Baarish se jo rishta hain, Paani pe man khichta hain,

Pichli koi pehchaan hain" - The Blue Umbrella

3 comments:

Arnav said...

HEY thats a very nice one...!!!!
(i just started my blog http://arnavaol.blogspot.com do visit it)

ankita said...

Well written... its a pleasure 2 read ur blog!!!!

mallika said...

virat u write so well.....its lovely n natural!!!

jai gurudev ****